TQDK sədri Məleykə Abbaszadə İsmayıllı şəhərində vətəndaşları qəbul etmişdir

Tələbə Qəbulu üzrə Dövlət Komissiyasının (TQDK) sədri Məleykə Abbaszadə mayın 16-da mərkəzi icra hakimiyyəti orqanları rəhbərlərinin qəbul cədvəlinə uyğun olaraq İsmayıllı şəhərində vətəndaşları qəbul etmişdir.

“Xalq Heydər söyləyəcək”

Bu gün Ulu öndər Heydər Əliyevin anadan olmasının 91-ci ildönümü ilə  əlaqədar Mollaisaqlı kənd tam orta məktəbinin akt zalında “Xalq Heydər söyləyəcək” adlı yubiley tədbiri keçirildi. Tədbirdə YAP-nın İsmayıllı rayon təşkilatının sədri Əzizə Vahabova, İsmayıllı RİHB-nin Mollaisaqlı İƏB-sü üzrə nümayəndəsi H. Həşimov, Mollaisaqlı kənd tam orta məktəbin direktoru F. Muradov, Mollaisaqlı kənd Bələdiyyəsi B. Babayev, məktəbin pedaqoji kollektivi və bir sıra kənd nümayəndələri iştirak edirdi. İlk öncə xalqımızın ümummilli liderinin xatirəsi bir dəqiqəlik skutla yad edildi. Sonra isə həmyerlimiz Baba Vəziroğlunun sözlərinə bəstələnmiş “Xalq Heydər söyləyəcək” musiqili kompazisiya iştirakçılara təqdim olundu. Çıxış üçün söz Ə. Vahabova verildi. O, Ulu öndərimizin Azərbaycan xalqının qarşısındakı xidmətlərindən  və Azərbaycan mədəniyyətinin, zəngin tarixi irsimizin dünya ictimaiyyətinə tanıdılması məhz Heydər Əliyevin misilsiz xidmətləri olduğunubildirdi. O, müstəqil Azərbaycan dövlətinin hərtərəfli inkişafı yolunda əvəzsiz tarixi xidmətləri olmuş, milli dövlətçilik ideyasının bərqərar olması və ölkəmizin beynəlxalq aləmdə nüfuzunun artması naminə misilsiz töhfələr vermiş Heydər Əliyevin misilsiz xidmətlərindən mərasim iştirakçılarına bəhs etdi.

05 aprel 2014-cü il tarixdə İsmayıllı rayon Təhsil Şöbəsinin akt zalinda GÇH fənn müəllimlərinin seminarı keçirildi

Xeber

“Xocalı faciəsinin 22-ci il dönümü”

İsmayıllı rayon İcra Hakimiyyəti başçısının 05 fevral 2014-cü il tarixli 22 nömrəli sərəncamı ilə təsdiq edilmiş tədbirlər planına uyğun olaraq 25 fevral 2014-cü il tarixdə Mollaisaqlı kənd tam orta məktəbində Xocalı faciəsinin 22-ci ildönümü münasibətilə  tədbir keçirildi. Əvvəlcə Xocalı faciəsi qurbanlarının və bütün şəhidlərimizin ruhu bir dəqiqəlik sükutla yad edildi.. Tədbiri giriş sözü ilə məktəbin direktoru Fazil Muradov açdı. O, çıxış edərək bildirdi ki, Xocalı faciəsi nəticəsində 613 nəfər şəhid, 487 nəfər əlil olmuşdur. 8 ailə bütövlüklə məhv edilmiş, 24 uşaq hər iki valideynini itirmiş, 130 uşaq valideynlərindən birini itirmişdir. 150 nəfərin taleyi isə indiyə qədər məlum deyildir.1275 nəfər qoca, uşaq və qadın əsir götürülərək amansız zülm və məşəqqətlərə məruz qalmışdır. Sonra çıxış edərək o faciəli gecənin dəhşətlərini  tədbir iştirakçılarına xatırlatdı. Məktəbin müəllimlərdən Elman müəllim, Müşviq müəllim, və başqaları  Xocalı faciəsi barədə  çıxış edərək  ermənilərin xalqımızın başına gətirdiyi məşəqqətlərdən danışdılar.   Məktəbin müəllimi İldırım Məsimov çıxış edərək Xocalı şəhərinin Azərbaycanın ən qədim mədəniyyət mərkəzlərindən biri  və qədim tarixə malik olması barədə tədbir iştirakçılarına ətraflı məlumat verdi.   Sonra məktəbin şagirdləri Xocalı faciəsi gününə həsr edilmiş kompazisiyalar göstərdilər. 

Tədbirin sonunda məktəbin direktoru F. Muradov bir daha əlavə edərək bildirdi ki,  Ali baş komandanımız cənab İlham Əliyevin torpaqlarımızın qaytarılması üçün səfərbərlik haqqında əmr elan edərsə, hamımız canla-başlatorpaqlarımızı düşmən tapdağından azad etməyə hazırıq. Tədbirdə Mollaisaqlı kənd  İƏB-sü üzrə İH nümayəndəsi, kənd kitabxanasının müdiri və valideynlər iştrak edirdi.
Cəmi şəhidlərimizə Allahdan rəhmət diləyirik. 

XƏBƏRLƏR

Bu gün Hacıhətəmli kənd tam orta məktəbində Azərbaycanın Milli Qəhraəmanı Mübaruz İbrahimovun anadan olması gününə həsr edilmiş anım günü mərasimi keçirildi. Mərasimdə İsmayıllı rayon İcra Hakimiyyəti nümayəndəsi və Rayon əlillər Cəmiyyətinin sədri və veteranlar iştirak etdmişdir. Mərasimdən çəkilmiş sujetlər televiziya kanallarında yayımlandı

Yanvarın 14-də akademik Zərifə Əliyeva adına liseydə İKT əsaslı pilot tədris otağının açılış mərasimi keçirilib.

Açılış mərasimində Azərbaycan Respublikası təhsil nazirinin müavini Ceyhun Bayramov, Koreya Respublikası Təhsil Nazirliyinin nümayəndəsi Vu-Jung Kim və Koreyanın Azərbaycandakı fövqəladə və səlahiyyətli səfiri Çoi Suk-in iştirak ediblər.

2014-cü il yanvar ayının ilk həftəsində növbəti dəfə Azərbaycan Respublikası Təhsil Nazirliyinin Təhsil Problemləri İnstitutu Kurikulum Mərkəzində “Yeni təlim proqramı (kurikulumlar): Respublikamızın məktəblərində işin təşkili, reallıqlar, perspektivlər” mövzusunda elmi-praktik konfransın reallaşdırılması üçün görüş keçirilib. Görüşdə təhsil nazirinin müşaviri Ağababa İbrahimov, TPİ-nin direktoru Qulu Novruzovvə direktor müavini, Kurikulum Mərkəzinin rəhbəri Ənvər Abbasov, Təhsil Nazirliyi Təhsil Sektorunun İnkişafı üzrə II Layihənin əlaqələndirmə Qrupunun məsləhətçisi Almaz Həsrət, Kurikulum Mərkəzinin şöbə müdirləri iştirak edib.

Mərkəzin konfrans zalında keçirilən tədbirə Respublikanın müxtəlif bölgələrindən olan 150-dək fəal müəllim qatılıb.

 Müəllimlərin dərs yükü artırıldı.

Azərbaycan Respublikası Nazirlər Kabinetinin 2013-cü il 27 dekabr tarixli qərarı ilə bütün tipdən olan ümumtəhsil məktəblərində, gimnaziya və liseylərdə, peşə məktəbləri və peşə liseylərində, idman və incəsənət məktəblərində müəllimlərin, məktəbdənkənar təhsil müəssisələrində dərnək rəhbərlərinin həftəlik dərs yükünün maksimal yuxarı həddi 24 saatdan 36 saata qaldırılıb.

Qeyd olunmalıdır ki, "Təhsil müəssisələrinin pedaqoji işçilərinin dərs yükü normalarının müəyyən edilməsi haqqında" Azərbaycan Respublikası Nazirlər Kabinetinin 24 noyabr 2010-cu il tarixli 215 nömrəli qərarı ilə müəllimlərin həftəlik dərs yükünün maksimum həddi 24 saat müəyyən edilib.

Lakin təcrübə göstərir ki, ümumtəhsil məktəblərində fənlər üzrə həftəlik dərs yükünün 24 saat tələbi gözlənilməklə bölüşdürülməsi nəticəsində əksər hallarda bir stavkayadək dərs yükü vakant qalırdı. Həmin dərs yükünün bir hissəsi əvəzi ödənilmədən fənn müəllimləri tərəfindən tədris edilirdi ki, bu da onların haqlı narazılığına səbəb olurdu. Bir stavkayadək vakant dərs yükünə müəllimlərin işə qəbulu isə məktəblərdə müəllim sıxlığının yaranmasına, müəllim-şagird nisbətinin aşağı düşməsinə gətirib çıxarırdı.

Bu sahədə beynəlxalq təcrübə də göstərir ki, əksər ölkələrdə ümumi təhsil sistemində müəllimlərin həftəlik dərs yükünün yalnız minimum həddi (1 stavka) müəyyənləşdirilir, maksimum həddə isə məhdudiyyət qoyulmur.  

Qeyd edək ki, bir stavka (həftədə 12 saat) dərs yükünə görə ali təhsilli müəllim, stajından asılı olaraq, minimum 155 manat (10-cu ixtisas dərəcəsi ilə) maksimum 207 manat (15-ci ixtisas dərəcəsi ilə) əməkhaqqı alır.